Wucbnica: Zakłady dolnoserbskeje rěcy. Podręcznik: Podstawy języka dolnołużyckiego

Electronic edition: Chóśebuz, 2005. — 145 s.Z pomocu teje wucbnice móžo zajmowany Pólak abo Pólka zakłady dolnoserbskeje rěcy nawuknuś. Dalšna rěcna kwalifikacija jo z nałožowanim rěcy a cytanim dolnoserbskeje literatury móžna. Chtož pak jo dolnoserbšćinu nawuknuł a znajo k tomu wót doma pólsku rěc, njama žednych wětšych śěžkosćow z rozměśim a samostatnym nawuknjenim teke górnoserbskeje rěcy.
Wucbnica jo na 15 lekcijow źělona. W jadnotliwych lekcijach wobźěłuju se systematiski gramatiske temy, kótarež su zwězane z dosć wobšyrnymi móžnosćami k zwucowanju nawuknjoneje 2 maśizny. Kuždej lekciji jo krotki tekst pśidany, kótaryž njama žeden direktny zwisk z tematiku lekcije. W njom pak póznajo cytaŕ wšake wobłuki serbskego žywjenja a cełu kopicu z tym zwisujucych wokablow. Chtož te teksty běžnje njecyta, njama z togo žednu škódu za dalšne póstupowanje wuknjenja. Ale myslim se, až rowno te teksty dopokazuju, kak bliskej stej sebje dolnoserbska a pólska rěc. Za njeznatymi słowami móžo cytaŕ na kóńcu wucbnice w pśirědowanem słowniku glědaś. Rěd rozgronow mjazy wšakimi wósobami dej byś pomoc k nałožowanju rěcy we wšednem žywjenju.